محسن علی نے عمران فاروق کے قتل کا اعتراف کرلیا
ڈاکٹر عاصم کی رینجرز کی تحویل میں بہترین مہمان نوازی
ماڈل ایان علی، فرد جرم پھرعائد نہ ہوسکی، سماعت15ستمبرتک ملتوی
لاہور:41من سےزائدمضرِ صحت گوشت قبضےمیں لے لیا
پاکستان نے جوہری تنصیبات تباہ کرنے کی دھمکی دی تھی،بھارتی اخبار
ورکنگ باؤنڈری پر چپراڑ سیکٹر میں بھارتی فائرنگ کاسلسلہ جاری
شجاع خان زادہ کیس، آفتاب گروپ کے ملوث ہونے کی نشان دہی

 

 
 
 
 
 
 
 
 
 
 
  اہم خبریں  
 
 
ڈاکٹرعامرلیاقت حسین دنیاکی 500 بااثر ترین مسلمان شخصیات میں شامل
 
کراچی(اسٹاف رپورٹر)جیونیٹ ورک کے وائس پریذیڈنٹ اور ممتاز ریسرچ اسکالر ڈاکٹر عامر لیاقت حسین پاکستان کے وہ نامور سپوت ہیں جنہوں نے دینی وسماجی حوالوں سے دنیا بھر میں ایک خاص مقام حاصل کیا ہے جس کی بازگشت وقتاً فوقتاً عالمی ذرائع ابلاغ میں بھی سنائی دیتی رہی ہے۔حال ہی میں انہیں دنیاکے صف اول کے تحقیقی ادارے رائل اسلامک اسٹرٹیجک اسٹڈیز سینٹر نے دنیا کی 500 بااثر ترین مسلمان شخصیات کی فہرست میں شامل کیا ہے جو کہ ایک بہت بڑا اعزاز ہے۔مذکورہ تحقیقی ادارہ ایک غیر جانبدار تحقیقی ادارہ ہے جو کہ بین الاقوامی اسلامی ادارے ’’رائل آل البیت انسٹیٹیوٹ فار اسلامک تھاٹ‘‘ سے منسلک ہے ۔اردن کے دارالحکومت عمان میں واقع یہ ادارہ اردن کے ہاشمی خاندانِ شاہی کے زیرنگرانی مختلف علمی سرگرمیاں انجام دینے پر مامورہے ۔اس ادارے کے زیر اہتمام بااثرمسلمان شخصیات کے حوالے سے شائع ہونے والی فہرست میں جیونیٹ ورک کے سربراہ میرشکیل الرحمن سمیت پاکستان اور دنیا بھر کی موثرترین اسلامی شخصیات شامل ہیں۔ پاکستان کے سب سے بڑے نیوز نیٹ ورک کے مالک میر شکیل الرحمن کانام بھی اس فہرست میں نمایاں طور پر شامل ہے۔ اُن کی شخصیت پرروشنی ڈالتے ہوئے کتاب میں لکھا گیا ہے کہ جنوبی ایشیا کامقبول ترین نیوزچینل جیو اور جنگ گروپ اُن کے زیر نگرانی کام کرتا ہے اور وہ جنگ گروپ کے چیف ایگزیکٹو اور ایڈیٹر انچیف بھی ہیں۔بااثر ترین مسلمان شخصیات کے تعارف پر مبنی اس کتاب کے منتظمین نے ڈاکٹر عامرلیاقت حسین کو زبردست خراج تحسین پیش کرتے ہوئے لکھا ہے کہ انہیں اُن کی غیرمتعصبانہ سوچ، معاشرے میں امن وبرداشت کے فروغ،سماجی برائیوں کے خلاف جہاد اور سب سے بڑھ کر رسول کریم صلی اللہ علیہ وآلہ وسلم سے بے لوث عشق کی بناء پر اس فہرست میں جگہ دی گئی ہے۔ کتاب میں ڈاکٹر عامر لیاقت حسین کو پاکستان،عالم اسلام بلکہ دنیا کا سب سے مؤثر ترین اور مقبول ترین میزبان قراردیتے ہوئے لکھاگیا ہے کہ جیوکے شہرۂ آفاق پروگرام’’ عالم آن لائن‘‘ سے مقبولیت کی منازل طے کرنے والے ڈاکٹر عامر لیاقت حسین نے عوام الناس کے بڑے طبقے میں اپنی غیر فرقہ وارانہ سوچ، بدعنوانی کے خلاف پُرزور مہم اور عشق رسول صلی اللہ علیہ وآلہ وسلم جیسی خوبیوں کی وجہ سے غیرمعمولی مقام حاصل کیا اور زبردست پیشہ ورانہ مہارت اور صحیح انداز میں لوگوں کے جذبات کی عکاسی کرتے ہوئے میڈیا کی انتہائی بااثر شخصیت بن گئے۔ ابتدا میں وہ پاکستان کی اہم سیاسی شخصیت ، قومی اسمبلی کے رکن اور وزیر مملکت برائے مذہبی امور بھی رہے مگر 2007ء میں انہوں نے دینی خدمات کے لیے اپنے عہدے سے استعفیٰ دے دیا۔ اس فہرست میں پاکستان کے جن نامور شخصیات کو شامل کیا گیا ہے اُن میں وزیراعظم میاں محمد نواز شریف،جنرل اشفاق پرویز کیانی، ڈاکٹر عبدالقدیر خان، عمران خان،مفتی تقی عثمانی، تبلیغی جماعت کے امیر حاجی محمد عبدالوہاب،مولانا طارق جمیل، علامہ طاہر القادری ، مولانا شاہ حکیم محمد اختر،مولانا سلیم اللہ خان،ڈاکٹر احمد رفیق اختر،مولاناعبدالستار ایدھی،مولانا فضل الرحمن، امیر جماعت اسلامی سید منور حسن، مولانا محمد الیاس قادری،حافظ محمد سعید،ڈاکٹر ادیب رضوی، ڈاکٹر فرحت ہاشمی اور ملالہ یوسف زئی شامل ہیں جبکہ بھارت سے مولانا محمود مدنی، ڈاکٹر ذاکر نائیک ،ڈاکٹر عبدالکلام،مفتی محمد اختر رضا خان قادری الازہری، سید ابراہیم خلیل البخاری اور علامہ ضیاء المصطفیٰ،عامر خان اور اے آررحمن کواس فہرست میں جگہ دی گئی ہے۔ فہرست میں عالمی سطح کی جن نامور مسلمان شخصیات کو جگہ دی گئی ہے ان میں خادمین حرمین شریفین شاہ عبداللہ بن عبدالعزیز،شیخ عبدالرحمن السدیس، شیخ الشریم، متحدہ عرب امارات کے شیخ محمد بن زید النہیان،شیخ محمدبن یحییٰ الحسینی، عبداللہ گل، طیب اردگان، آیت اللہ سید علی خامنائی،مفتی اعظم شیخ احمد محمد الطیب، سید علی حسن سیستانی،سید حسن نصر اللہ، محمود عباس،علامہ یوسف القرضاوی،سراج الدین حقانی، گلبدین حکمت یار،ملا محمد عمر، حامد کرزئی، شیخ حسینہ واجد،ڈاکٹرمحمد یونس ،محمد مرسی اورایمن الظواہری شامل ہیں۔
Print Version       Back  
استنبول (جنگ نیوز) ترکی کے ساحل پرایک 3؍ سالہ شامی پناہ گزین بچے کی لاش نے دنیا کو جھنجھوڑ کر رکھ دیاہے یہ بچہ گزشتہ روز شامی تارکین وطن کی ان کشتیوں میں سوار تھا جو ...
 
 
 
کراچی (رفیق مانگٹ) بھارتی اخبار نے دعویٰ کیا ہے کہ 1983ء میں اندرا گاندھی کی طرف سے پاکستان کے جوہری تنصیبات پر حملے کا منصوبہ پاکستان کی طرف سے سخت دھمکی کے بعد لپیٹا ...
 
 
 
اسلام آباد(نمائندہ خصوصی) صدر مملکت ممنون حسین نے چین میں جنگ عظیم دوئم کی 70ویں سالگرہ کی تقریب میں شرکت کی۔ پاکستان کی مسلح افواج کے 75رکنی دستے نے قومی پرچم تھامے ...
 
 
 
کراچی (صباح نیوز)قاتلانہ حملے میں زخمی ہونے والے ایم کیو ایم کےرکن قومی اسمبلی رشیدگوڈیل کو ڈاکٹروں نے گھر جانے کی اجازت دے دی تاہم رشید گوڈیل نے گھرجانے سے ...
 
 
 
اسلام آباد (آئی این پی) قومی احتساب بیورو (نیب)نے پیپلز پارٹی کی 2بڑی شخصیات سابق وزیراعظم یوسف رضا گیلانی اور سابق وزیر اطلاعات و نشریات فردوس عاشق اعوان کے گرد ...
 
 
 
کراچی (جنگ نیوز) پاکستان اور افغانستا ن کےلیے امریکا کے خصوصی نمائندے آنجہانی رچرڈ ہالبروک نے پاکستان میں سیلاب سے متاثرہ افراد کی امداد کےلیے امریکی کوششوں کے میڈیا ...
 
 
 
کراچی (جنگ نیوز)پاکستان میں امریکی سفارتی مشن کی جانب سے فروری 2010ءمیں سابق وزیر خارجہ ہلیری کلنٹن کوبھیجی گئی ایک ای میل میںبتایاگیاہے کہ پاکستانی میڈیاکا رویہ نہایت ...
 
 
 
کراچی ( اسٹاف رپورٹر) سندھ ہائی کورٹ نے رینجرز حکام کو ڈاکٹر عاصم حسین کا طبی معائنہ کرانے کی ہدایت کرتے ہوئے درخواست نمٹا دی ہے ۔ واضح رہےکہ عدالت ڈاکٹر عاصم حسین کی ...